炎明熹認為「風」能夠表達她的世界。
香港文匯報訊（記者 子棠）炎明熹（Gigi）將於下月24日平安夜，在亞洲國際博覽館舉行一場《風之旅MyVoyage Goes On Live》音樂會，門票今日開始公售，而演唱會海報已於早前完成拍攝。
Gigi解構音樂會的定名說：「因為我覺得『風』能夠表達我個世界，風可以有好多唔同嘅形態，例如好多歌迷支持我，好多人對我好，我就滿心都係『暖風』，有時都會唔同狀態，會有冷風，更會打風添。哈哈。今次成個音樂會製作上，我都有參與，我想帶出自己好多感激的事，好多反思，好感謝我可以用到音樂表達我内心嘅世界，同埋亦都希望可以透過音樂，畀大家睇到另一面、一個進化當中的自己。揀歌方面，會有少少驚喜，大部分嘅歌曲都係未唱過，希望有一個耳目一新嘅感覺。」
海報拍攝當日，設計師及攝影團隊於現場設置了一個人造田實景，Gigi一到場已非常驚訝，馬上跳進去：「嘩，好真，有泥土添呀！」摸着芒草的她又搞笑道：「好似摸貓貓，哈哈。」玩得非常開心。Gigi直言已經有段長時間沒跟歌迷聚會，想了很久用什麼形式，最後覺得還是以小型音樂會的方式，歌迷應該最閞心：「所以我就在一個普天同慶日子，平安夜同大家一齊過；希望可以創造一個美好回憶。我會努力加油，做最好表演。」